Bakı. AzerVoice:
Qardaş Türkiyəyə dəstək göstərmək bizim üçün böyük fəxrdir.
Bu barədə AzerVoice-ə, Türkiyəyə yardıma gedən Azərbaycan Könüllüsü Həsən Əliyev deyib.
“Xəbər saytlarında dağıntılar altından çıxarılan körpələrin, uşaqların, qocaların nəşini görmək olduqca dəhşətli idi. 10 fevralda biz Azərbaycan Könüllüləri olaraq, qardaş Türkiyədə baş vermiş zəlzəzlə bölgəsinə yola düşdük. İstər çadırların qurulmasında , istər yeməklərin , geyimlərin və digər ləvazimatların paylanmasında, istərsə də zəlzələ bölgəsinə gələn yardımların çeşidlənməsində fəal iştirak etdik. Bütün bunların üzərindən artıq 1 ildə keçsə bütün orada baş verən hadisələr, gözümün önündə canlanır.” - deyə o bildirib.
Həsən Əliyev qeyd edib ki, çətin bir zamanda qardaş ölkəyə dəstək olmaq bizim borcumuzdur.
“Zəlzələ bölgələrində - Kahramanmaraşda, Hatayda, Adıyaman da eyni zamanda Malatya şəhərində də yerli sakinlərə bütün yardım fəaliyyətlər üzrə xidmət edirdik. Həmin qeyd etdiyim şəhərlərdə, çadırların qurulmasında , ərzaqların, isti geyimlərin və digər ləvazimatların paylanılmasında yaxından iştirak etdik. Eyni zamanda əhaliyə bizim könüllülər tərəfindən tibbi və pisixoloji yardımlarda göstərildi. Bununla yanaşı zərərçəkmiş şəxslərə səyyar şəkildə su və isti içkilər paylayır, müxtəlif ərazilərdə yerləşən məhəllələrə yardımlar çatdırır və digər dəstək verici xidmətləri göstərirdik. Könüllü olaraq həmçinin ucqar kəndlərə səfər edərək humanitar fəaliyyətlərin həyata keçirilməsində fəal şəkildə iştirak edirdik.” - deyə o bildirib.
Xatırladaq ki, fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
"Bir yumruq, bir ürək, bir can" şüarını rəhbər tutaraq qardaş ölkədə zəlzələ bölgələrində bu fəaliyyəti Azərbaycan Könüllüləri həm müddət, həm də say baxımından mütəşəkkil formada ölkəmizdən kənarda humanitar yardım istiqamətində təşkil olunmuş ilk könüllü fəaliyyəti kimi tarixə düşüb. Azərbaycanlı könüllülər zəlzələ bölgəsində çox çətin şəraitin olmasına, dağılmış ərazilərə yetişməyin çətinliklərinə baxmayaraq, uzun yol qət edərək, zəlzələdən zərərçəkənlərin köməyinə çatıb.
Hafiz Rufizoğlu
Xəbərlərimizi “WhatsApp” kanalımızdan oxuyun
