Bakı. AzerVoice:
Qətər Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İşlər Agentliyinə (UNRWA) dəstəyini davam etdirəcək.
AzerVoice-nin məlumatına görə, bu barədə Qətər Xarici İşlər Nazirliyi bəyanat yayıb.
Qətərin beynəlxalq əməkdaşlıq üzrə dövlət naziri Lulva bint Rəşid əl-Hatir UNRWA-nın komissarı General Filip Lazzarini ilə telefon danışığı aparıb.
Görüş zamanı Hatır Lazzariniyə bildirib ki, Qətər Qəzza zolağına təcili humanitar yardım göstərməkdə UNRWA-ya dəstəyini davam etdirəcək.
“Maliyyə dəstəyinin dayandırılması UNRWA-nın işinə və onun fələstinlilərin təcili ehtiyaclarına cavab vermək qabiliyyətinə mənfi təsir göstərəcək” - deyə Qətər rəsmisi bildirirb.
Beynəlxalq ictimaiyyətin Qəzza zolağında mülki şəxslərə qarşı davam edən müharibəni dayandırmaq üçün siyasi həll tapa bilmədiklərinə diqqət çəkən Hatır, beynəlxalq donorları UNRWA-ya lazımi dəstəyi davam etdirməyə çağırıb.
Hafiz Rufizoğlu
