BAKI, AzerVoice
30 oktyabr – 1 noyabr tarixlərində Bakıda keçirilən “Medinex”– Azərbaycan Beynəlxalq Tibb İnnovasiyaları Sərgisi çərçivəsində Yeni Klinika “Ən yaxşı B2B Görüş Stendi” nominasiyası üzrə sertifikatla təltif olunub.
AzerVoice xəbər verir ki, bu mükafat, Yeni Klinikanın sərgi müddətində nümayiş etdirdiyi aktiv iştirak, ziyarətçilərlə səmərəli kommunikasiya, eləcə də klinikada təqdim edilən tibbi xidmətlərin peşəkar şəkildə tanıdılması ilə əlaqədar olaraq təqdim edilib.
Sərgi müddətində Yeni Klinikanın stendi yerli və beynəlxalq ziyarətçilərin böyük marağına səbəb olub. Klinikada həyata keçirilən innovativ tibbi xidmətlər, mərkəzin fəaliyyəti, müasir texnologiyaların tətbiqi və pasiyent yönümlü yanaşma iştirakçılar tərəfindən yüksək qiymətləndirilib.
Sərgi çərçivəsində klinikanın əməkdaşları tərəfindən sərgi iştirakçılarına xatirə hədiyyələri təqdim olunub və gələcək əməkdaşlıq perspektivləri istiqamətində faydalı müzakirələr aparılıb.
