Bakı, AzerVoice

Müstəqilliyinin ilk illərindən etibarən Azərbaycanda fəaliyyət göstərən ASELSAN, burada həm müdafiə sənayesi, həm də mülki sahələr üçün müxtəlif layihələr həyata keçirir.

AzerVoice xəbər verir ki , ASELSAN-ın bu yaxınlarda Azərbaycanda quraşdırdığı yüksək sürətli çəki ölçmə sistemləri, daşımalarda qənaət təmin etməklə yanaşı, səmərəli və ekoloji cəhətdən təmiz bir tətbiq kimi diqqət çəkir.

Magistral yollarda quraşdırılan yüksək yürətli çəki ölçmə sistemləri ilə avtomobillər dayanma və ya sürəti azaltma ehtiyacı olmadan stansiyalardan keçərkən sürət, nömrə, çəki, en, uzunluq, hündürlük, nəqliyyat vasitəsinin növü və oxların sayı haqqında məlumatlar ölçülərək qeydə alınır.

Bu sistem sayəsində avtomobillər magistral yolda dayanmadan normal sürəti ilə hərəkət edərkən elektron tərəzi ilə ölçülür. Əvvəllər ağır nəqliyyat vasitələrinin dayanıb dəqiqələrlə növbə gözlədiyi və sonra tərəziyə çıxdığı proses indi sürəti azaltmadan həyata keçirilir. Belə ki, sürücülər bu prosesi hiss etmirlər.

ASELSAN-ın Yüksək Sürətli Çəki Ölçmə Sistemləri Azərbaycanda 6 stansiyada istifadəyə verilib və ilin sonuna qədər 17 stansiyada istifadəyə veriləcək. Yaxın vaxtlarda Azərbaycanda ümumilikdə 51 stansiyanın yaradılması planlaşdırılır.

ASELSAN-ın Bakı baş direktoru Özgür Kürüm bildirib ki, ASELSAN-ın son bir ildə tətbiq etdiyi texnologiyalar sayəsində Azərbaycan avtomobil yolllarında daha yubanmalar olmayacaq.

Kürüm, Yüksək Sürətli Çəki Ölçmə Sistemləri sayəsində nəqliyyat vasitələrinin ənənəvi üsullardan fərqli olaraq, dayanmadan, yavaşlamadan və normal hərəkət sürətini qorumadan nömrə tanınması, çəki aşkarlanması, nəqliyyat vasitələrinin aşkarlanması və nəqliyyat vasitələrinin təsnifatı kimi proseslərə məruz qaldığını bildirib.

Yüksək Sürətli Çəki Ölçmə Sistemlərinin ASELSAN tərəfindən yerli və milli olaraq hazırlandığını bildirən Kürüm, “Bu sistem inanılmaz səmərəlilik təmin edir. M1 magistralında (Bakını Rusiya sərhədinə birləşdirən) orta hesabla 450 min litr yanacağa qənaət edilir. M1 şossesinin illik vaxtı 75 min saat “Yoldakı stansiyalar sayəsində ildə təxminən 1200 ton karbon emissiyasının qarşısı alınacaq ki, bu da ildə 48 min ağacın təmizləyə biləcəyi məbləğə uyğundur.” dedi.

Kürüm, bu sistem sayəsində limiti aşan nəqliyyat vasitələrinin yaratdığı əlavə yol baxım xərclərinin 50 faiz azalacağını da bildirib.
M1 avtomobil yolunda hər il təxminən 15 milyon manat (9 milyon dollar) milli sərvət israfı olacağını, bunun qarşısını almaq üçün layihənin ümumilikdə 2 mərhələdə həyata keçirəcəyini deyib.

Noyabrın 11-22-də Azərbaycanın BMT-nin İqlim Dəyişikliyi üzrə Çərçivə Konvensiyasının 29-cu Tərəflər Konfransına (COP 29) ev sahibliyi edəcəyini xatırladan Kürüm, yüksək sürətli Çəki Ölçmə Sistemlərinin iqlim dəyişikliyi ilə bağlı fəaliyyətlərin nəzərdən keçirilməsində mühüm rol oynayacağını vurğulayıb.